يالله .. ليش أحس ان بنتي ما تحبني !! ليش ما حس انها تريدني اكون معاهادايما تريد خالاتها او عماتها الا نا ..والله اني مرات اصيح ومن حرقة قلبي قدامها وتقعد اطالعني
وتقولي ماما منو ضربج ليش تصيحين !! اقولها ماما تحبيني ؟ تقول ما ما احبج
هي عمرها 3 سنوات لكن ما شاء الله عليها سابقة سنها بعقلها ..والكل يعاملها على انها 10 سنوات
مب 3 سنوات لانها ماشاء الله تفهم بسرعة وتقدر تتكلم وترد
لدرحة انها تسب وانا اكثر وحدة تسبني وتقول كلام يقطع قلبي
حاولت اللين والشدة ما في فايدة احيانا تتغير بس مرات ترجع اشد عن قبل
يمكن الاطفال اللي في سنها يتصرفون تصرفات تضايق بس انها ما تحبني هذا اللي بيذبحني
لما ارجع من الدوام اركض ابي احضنها تشرد عني وما ترضى ابوسها
والباقيين يتعلقون بريولي حتى بنات اختي يبون بوسه وهي لا
الصبح ابا ابوسها قبل ما روح الدوام ترد وتقول لا ماما انتي كاكا
ساعات افقد الامل واقول هذي ما تريدني في حياتها من الحين عيل لما تكبر شو بيصير
بنوتي انا احبج واريد بس اكون امج .. اريد اخذج في حضني
اريد ابوسج اريد العب معاج اريد كون ماما حبيبتج
احبج
