تعبت لان مب قادرة اكون مثل قبل
كنت منظمة حياتي بطريقة تخليني اقدر اعطي كل واحد حقه مب كامل بس ان شاء الله ما قصرت
الحين ما قدر
الصبح بنتي الصغيرة عند امي
الكبيرة فالحضانة
وانا اروح الشغل
احيانا اطلع اودي البنت اللي فالحضانة البيت واحيانا حد غيري يوديها
اكمل دوامي للساعة 5
ارجع البيت الخدامة تشوف شغلها وان احاول اعوض البنات باني اقعد معاهم ونلعب
واحيانا نطبخ ونسوي كيكة عشق بنتي الابدي مثل امها تحب تسوي كيك
بعدين نجهز لهم العشاواحاول واحاول انهم ينامون قبل الساعة 9
عشان اقدر امشي عالتريدميل ساعة
بعدها اخذ شور وانام
احيانا واذا رجعت تعبانة ما اقدر اسوي اللي فوق وهذا اللي يخليني اتعب
خاصة لما اشوف بنتي الصغيرة تريدني اشيلها وانا مب رايمة امد ايدي لها من التعب واحيانا احس اني بس اريد اقعد بروحي اولع شمعة واييب لي كوب عصير واقرا مجلة واتك ساكتة ما ريد اكلم حد
انا فالنهاية انسانة ولي طاقة ما اقدر اتعداها
لكن دايما معذبة نفسي من اللوم اذا قصرت الوم نفسي وايد واحملها اكثر من اللي تقدر تتحمله
اموول اعرف انج تقرين بليز كوول مي وتحملي مصاريف الدولي انتي سافرتي انا ضعت :( بلييز
الاشتراك في:
تعليقات الرسالة (Atom)
ليست هناك تعليقات:
إرسال تعليق